Дек

25

Всеблагий Владыко, приснотекущий Источниче Премудрости и разума!
К Тебе обращаются во благая. Того ради смиренно припадая к неистощимым щедротам Твоим, Человеколюбче Спасе наш, молю Тебя, Подателю благих, приими усопшаго раба Твоего (имя),
яко тако люте болезновавшаго и страдавшаго в житии сем, приими милостию Твоею, да не пробавиши, Блаже, и тамо, во стране отшедших от нас братий наших, стужения и страдания его,
яже суть безмерно лютейша неже здесь земная; но отврати от него прещение гнева Твоего и воззри на него пресветлым оком милосердия Твоего; но не предаждь люте погибнути во веки, зане и Сам, Премилосердый Спасе, не хотящий смерти грешника, не хотящий, да кто погибнет, Сладчайший Иисусе Христе, Сыне Божий, исцеляяй неисцельно-недугующих телом, прокаженных очищай
и бесных творяй смыслящими!
Молю Тя, Господи, исцели душу усопшаго раба Твоего (имя), очисти его от всех вольных и невольных, ведомых и неведомых прегрешений и грехопадений его, Сам, Спасе, очисти, якоже не возмогшаго разумно и в здравой памяти исповедатися Тебе в них, того ради умилосердися о нем, Господи, и возьми от него все тяжкое бремя грехов.
Вземляй грехи мира! Покрый и оправдай его Своею благодатию, и, ими же веси судьбами. Спаси раба Твоего от избранных Твоих, но сподоби общником быти и небесных ликостояний, яко убогаго раба Твоего, иже здесь на земли отлученный и отчужденный себе имяше от сродников своих, другов и ближних, и не лиши его Небеснаго Твоего Царствия, яко лишенный здесь на земли видети благая Твоя и оставлен влачити дни свои исполнении горькоплачевных деяний: того ради, молю Тя, Господи, упокой его со святыми Твоими в Дому Отца Твоего, с Ним же Тебе, Избавителю и Жизнодавцу нашему, купно со Пресвятым Твоим Духом славу возсылаем всегда, ныне и присно и во веки веков. Аминь.

Комментарии закрыты.